Os Megatoxos

Benvidos ao blog dos Megatoxos. E quen son os Megatoxos? Son catro mozos: Ninfa, Faísca, Lúa e Ruxe que teñen que compatibilizar as clases no instituto, cunha dobre vida que os impulsa a viaxar polo tempo en busca dunha cura a súa mutación xenética. Azar? Destino? Ou un plan do misterioso M.P.? E todo isto sae da cabeza do seu autor: ANXO FARIÑA, que ademais de escribir, ilustra esta colección de libros. Non o dubides e deixa o teu comentario!

6/10/14

Os Megatoxos e o dragón de xade no top de ventas en setembro

Anxo Fariña Megatoxos


É certo amigos. Non levan nin uns días a venta e xa entraron na lista dos máis vendidos do mes pasado (Fonte: caderno da crítica, por Ramón Nicolás). Estou que morro coa impaciencia por saber a vosa opinión!!!

Tamén desde aquí quero destacar as fermosas palabras que me adicou Manolo Bragado, desde o seu blogue Brétemas:


"Non debe pasar desapercibida a publicación d’ Os Megatoxos e o dragón de xade, a quinta entrega da serie escrita e ilustrada por Anxo Fariña. A que é a saga xuvenil da literatura xuvenil galega máis veterana e con maior número de títulos, como tamén a que conta con máis lectores (máis que entusiastas), viaxa ao Xapón medieval de ninjas e samurais coa intención de evitar un terrible terremoto. Como nos libros anteriores, os catro superheroes galegos continúan buscando cura para a súa mutación xenética provocada polo Toxo, unha planta mutante que permite viaxar no espazo e no tempo. Aventuras, amor, fantasía, loitas, enigmas, mitos, coñecemento científico, histórico e xeográfico, continúan sendo compoñentes principais destes libros de lectura engaiolante, adictiva, que provocan o entusiasmo dos seus siareiros. Como estimulantes son para crear interese pola historia de Galicia en diálogo aberto con diversas culturas e civilizacións.
Mención á parte da serie merece a singularidade e espectacularidade da creación visual de Anxo Fariña. Utilizando a cultura manga, un trazo rotundo, que non impide a precisión dos detalles, é capaz de dotar a cada un dos personaxes da serie dunha personalidade moi recoñecible para os seus siareiros. Outrosí sucede co coidado da ambientación histórica e paisaxística, que nesta quinta entrega acada nalgunhas imaxes un altísimo nivel. Como editores sabemos que dende hai sete anos, cando apareceu o primeiro título na editorial A Nosa Terra, cada unha das seguintes entregas dos Megatoxos foi unha beizón para esa dificil tarefa de facer novos lectores para o a lingua galega na preadolescencia. Que máis se lle pode pedir? Toda a nosa gratitude e parabéns por esta proeza para Anxo Fariña."

6 comentarios:

Yoel Diamond dijo...

Moitisimos parabéns Anxo, parece que cada día os teus libros dos Megatoxos fanse máis populares.
Eu xa estou agardando a que estea na libreria que esta preto da miña casa. Xa morro das ganas de compralo.

BrisaMinami dijo...

Digo o mesmo que Joel eres fantástico a minha noraboa bicos dunha rapaza de Do ies de valga e morro con final quero xa o 6° JSJAAJAJAAJA para saber o desenlace jajaja un forte bico e abrazo

Anxo Fariña dijo...

Grazas Jessica!!

Estou encantado con que seas a primeira lectora que coñezo que xa rematou o libro. Para o 6 terás que agardar… esperemos que non moito. ;-)

Anxo Fariña dijo...

Grazas, Yoel.

Xa verás como este libro non te defrauda, púxen todas as miñas enerxías nel. Gustoume tanto escribilo, que non quería que rematase.

Anónimo dijo...

Ola , Anxo. Noraboa, cinco libros seguidos sen nada q rexeirar. Espero q os folgos que che sobraron do anterior e as ganas de escribir se reflexen no tomo 6. Por certo, estou a escribir un cómic, pero nada mais comezar atragoeime. Te pasara esto algunha vez? Como se resolven estes bloqueos? Rapaza precisa auxilio!!

Anxo Fariña dijo...

Grazas, anónima ;-)

O libro 6 está xa dando voltas na miña cabeza.

Se o bloqueo é moi grande, o mellor é comezar de novo de cero.
Se é un bloqueo pequeno, o mellor e despesares, facer outra actividade ou proxecto, para retomar o inicial coa mente máis liberada.