Sinatura ilustrada en Vigo. Mércores 3 de xullo ás 18:30

Ola, amigos. Se queredes un debuxo nun dos vosos libros, aproveitade! Estarei na Feira do libro de Vigo o 3 de xullo ás 18:30.
Pasade tod@s ;)

PD: si, esa foto miña xa ten algúns anos... XD

Presentación e sinatura ilustrada en Vigo

Ola amigas e amigos.
O venres 23 de febreiro ás 19:30 presentarei o novo libro dos Megatoxos.

Os Megatoxos e a batalla de Rande

Será na Casa del Libro de Vigo. Rúa Velázquez Moreno, 27.

Ao rematar, farei unha sinatura ilustrada. Así se queres que che faga un dos teus personaxes favoritos nun libro, aproveita!
Espero que veñades tod@s!

Xa está Megatoxos 6!!!!

Ola amigas e amigos. Teño dúas novas; unha boa e outra non tanto ;)
Xa teño nas mans o novo libro dos Megatoxos e a batalla de Rande. O "malo" é que vós teredes que ter un pouco máis de paciencia. Estará nas librarías en Xaneiro. Os que non poidan agardar poden ir a preventa en portais tipo Amazon, El Corte Inglés, La casa del libro, etc.
En calqueira caso pódovos dicir que... quedou alucinante! Xa subirei máis fotos ;)
Aproveito para dicirvos que (por fin) teño conta en Instagram e que podedes seguirme: @anxofarina

Preparade os canóns!

ACTUALIZACIÓN:
A editorialdecidiu pospoñer o lanzamento ata principios do 2018. Paciencia amigos ;)

Ola, amigos.
A principios de 2017 o sexto libro dos Megatoxos sairá a navegar! Si, navegar. Xa que Ruxe, Ninfa, Lúa e Faísca terán que intervir na fabulosa Batalla de Rande.

Aquí vai un adianto ;)

Quetzalcoatl

Un bosquexo para o novo libro dos Megatoxos. Aínda non teño o título definitivo para este sexto libro, pero en canto o teña xa o irei adiantando. Iso si, con este personaxe podedes ir imaxinando un pouco da trama ;)

Presentación no Culturgal 2014

Presentación de "Os Megatoxos e o dragón de xade", publicado por Xerais, en Pontevedra, no Culturgal. Unha feria de industrias creativas que sorprende e agrada tanto aos visitantes como aos que participamos nela. Parabéns e ata a próxima, amigos.

Os Megatoxos e o dragón de xade no top de ventas en setembro

É certo amigos. Non levan nin uns días a venta e xa entraron na lista dos máis vendidos do mes pasado (Fonte: caderno da crítica, por Ramón Nicolás). Estou que morro coa impaciencia por saber a vosa opinión!!!

Tamén desde aquí quero destacar as fermosas palabras que me adicou Manolo Bragado, desde o seu blogue Brétemas:

"Non debe pasar desapercibida a publicación d’ Os Megatoxos e o dragón de xade, a quinta entrega da serie escrita e ilustrada por Anxo Fariña. A que é a saga xuvenil da literatura xuvenil galega máis veterana e con maior número de títulos, como tamén a que conta con máis lectores (máis que entusiastas), viaxa ao Xapón medieval de ninjas e samurais coa intención de evitar un terrible terremoto. Como nos libros anteriores, os catro superheroes galegos continúan buscando cura para a súa mutación xenética provocada polo Toxo, unha planta mutante que permite viaxar no espazo e no tempo. Aventuras, amor, fantasía, loitas, enigmas, mitos, coñecemento científico, histórico e xeográfico, continúan sendo compoñentes principais destes libros de lectura engaiolante, adictiva, que provocan o entusiasmo dos seus siareiros. Como estimulantes son para crear interese pola historia de Galicia en diálogo aberto con diversas culturas e civilizacións.

Mención á parte da serie merece a singularidade e espectacularidade da creación visual de Anxo Fariña. Utilizando a cultura manga, un trazo rotundo, que non impide a precisión dos detalles, é capaz de dotar a cada un dos personaxes da serie dunha personalidade moi recoñecible para os seus siareiros. Outrosí sucede co coidado da ambientación histórica e paisaxística, que nesta quinta entrega acada nalgunhas imaxes un altísimo nivel. Como editores sabemos que dende hai sete anos, cando apareceu o primeiro título na editorial A Nosa Terra, cada unha das seguintes entregas dos Megatoxos foi unha beizón para esa dificil tarefa de facer novos lectores para o a lingua galega na preadolescencia. Que máis se lle pode pedir? Toda a nosa gratitude e parabéns por esta proeza para Anxo Fariña."

Os Megatoxos e o dragón de xade. MEGATOXOS 5

Xa chegou, amigos. O mellor e máis agardado libro de Os Megatoxos. Non me chegan as palabras para contarvos o encantado que estou con esta nova entrega ambientada no Xapón. Nestes días irei desvelando máis acerca do seu contido, da historia dos auténticos superheroes galegos. Ninjas, dragóns, aparicións xaponesas, a infancia oculta de Faísca e Ruxe, a "amizade especial" entre Lúa e Ezbel, unha boda entre a nobreza medieval xaponesa…

Sabiades que é a primeira saga xuvenil que chega ao seu quinto número en Galicia e escrita en galego? Pois si, ata o de agora ningún escritor en Galicia lograra esa fazaña, e estou moi contento, xa que se o conseguín e grazas a vós. Se non fose polos vosos azos a agarimo, os Megatoxos nunca poderían chegar onde chegaron.

Nuns poucos días poderédelo atopar nas vosas librerías favoritas, e se non podedes agardar, xa podedes mercalo online!!!! 

Está editado con Xerais no seu espectacular formato cun acabado impecable.

Algúns enlaces onde xa o podedes encargar:

AMAZON

LIBRERÍA PROTEO

AGAPEA

Pronto disponible en ebook nas diversas plataformas.

Xa falta pouco… para o novo libro dos Megatoxos!

Os Megatoxos e os Templarios da Luz.

Ola, amigos e amigas.

Como ben sabedes, estou a reeditar os primeiros volumes dos Megatoxos na miña actual editorial, Xerais. Nestas novas publicación decidín revisar e ampliar os textos antigos, e así engadir moitas páxinas que na anterior edición quedaran no portátil.
O último libro reeditado é o terceiro: Os Megatoxos e os Templarios da Luz.

Como mostra, vos deixo unha imaxes que corresponden co proceso da elaboración da portada.

Apertas!

PD: Para os que pensaban que non escribiría máis libros dos Megatoxos, estades trabucados!!! Como se pode intuír polo post anterior, estou a preparar un quinto libro dos Megatoxos. Ademais, o debuxo de Ruxe da unha pista do lugar onde viaxarán os nosos amigos. Alguén xa o adiviñou?

Volven os Megatoxos...

Os Megatoxos e a espada esmeralda

Ola amigos.

Despois dun tempo sen escribir volvo ao blog para anunciar novidades. Xa está nas librerías a nove edición na editorial Xerais de “Os Megatoxos e a espada esmeralda”. Tal e como fixen no libro "Os Megatoxos e o aprendiz de druída", hai moitas novidades nesta nova edición que agardo vos gusten. A historia amplíase con máis detalles sobre os personaxes da saga e sobre as súas vidas.

Como curiosidade vos podo contar que a idea da espada esmeralda chegoume nun soño moi parecido ao que ten Faísca no libro. Lembro que, cando acordei, custábame traballo saber se xa saíra do soño, ou aínda estaba nel. Vaia pesadelo!

A algún de vós vos pasou algo semellante? Algún acordou dun pesadelo pensando que aínda estaba nel?

Fixádevos no aspecto que ten o libro! Estou encantado co resultado da edición e a nova portada.

Nuns meses, principios do 2013 veredes nas librerías a reedición do terceiro libro dos Megatoxos: Os Megatoxos e os templarios da Luz.

AH! e se queredes o calendario de 2012 dos Megatoxos, podedes descargalo aquí.

Para os que acaban de chegar a colección velaí vos deixo a sinopse do libro.

Os Megatoxos son catro mozos que teñen que compatibilizar as clases no instituto, cunha dobre vida que os impulsa a viaxar na procura dunha cura para a súa mutación xenética, un cambio provocado por unha planta moi especial, o Toxo. Esta planta mutante ten, entre outras, a capacidade de viaxar no espazo e no tempo. Ruxe, Lúa, Faísca e Ninfa están a vivir un emocionante curso escolar. Desde que un accidente os dotara de estraños poderes, os problemas non deixan de aparecer.Nun intento por acadar unha cura para a súa mutación, os catro mozos viaxarán ao Medievo. Alí, atoparán un antigo e misterioso mosteiro onde nada é o que parece. Nesta nova aventura, os Megatoxos deberán aguzar a súa intelixencia e valor nunha biblioteca chea de enigmas, onde códices e perigos mestúranse nunha situación que porá a proba a súa amizade.

MEGATOXOS 4!!!!!!

Ola, amigos e amigas.

Teño dúas novas que darvos: unha boa e unha mala.

A mala. Aínda non fun quen de solucionar o problema cos tres primeiros volumes dos Megatoxos (ver post “Os Megatoxos en perigo”). Así que polo de agora teredes que agardar pacientemente por unha reedición dos mesmos. Me encantaría que ese tema estivese xa resolto, que imperase a cordura nos dirixentes de Promocións Culturais Galegas (A Nosa Terra) e que me devolvan o que é meu, e por dereito perténceme. Mentres tanto, pídovos paciencia e sigo agradecendo as numerosas mostras de apoio recibidas. Só por vós paga a pena loitar!

E agora a boa nova: En dúas ou tres semanas... OS MEGATOXOS 4 estarán nas librerías!. Si, xa sei que tardaron moito, pero garántovos que a espera pagará a pena. Nova editorial, novo logotipo (xa está na cabeceira do blog), novo aspecto exterior e guía de personaxes no interior... en resumo: UNHA MARABILLA! Eu persoalmente estou encantado con este libro, sobre todo tendo en conta o mal que o pasei por culpa da outra editorial. Cheguei a pensar que era o fin dos meus queridos Faísca, Ninfa, Ruxe e Lúa. Mais non. Atopei unha nova editorial con xente estupenda que me apoia, e a cal encántanlle os Megatoxos.

En dúas ou tres semanas poderedes descargar un PDF cos primeiros capítulos de balde. E, mentres tanto... o proceso creativo dunha ilustración para que vaiades vendo o que está por chegar.

MEGATOXOS 4

Ola todos e todas.

Como xa sabedes, estou a piques de rematar o 4º libro dos Megatoxos. Estou desexando que chegue as vosas mans e gocedes tanto coa lectura como eu estou gozando da escritura.

Se todo vai ben, estará nas librerías no mes de Novembro, Así que estade atentos! Irei subindo máis detalles e algúns bosquexos do novo libro.

Respondo a pregunta máis repetida do blog: Cal será o título do 4º libro?

OS MEGATOXOS. E A CARA OCULTA DE LÚA.

Aí queda iso :) no próximo post máis detalles da próxima entrega dos Megatoxos.

Xa queda menos!

Xa nas librerías o 3º libro dos Megatoxos

Se non o atopas, pídeo na túa librería. O Megatoxos e a os Templario da Luz xa están por todas partes. :)

Xa están aquí!

Xa queda menos!! Lamento facer agardar tanto aos seguidores dos Megatoxos. No mes de outubro teredes nas librerías a terceira parte da saga, con importantes novidades para os personaxes principais!

Os Megatoxos e o aprendiz de druída. 2ª edición!!!

Tal e como indica o título o libro “Os Megatoxos e o aprendiz de druída” chega a segunda edición, a si que nin vos podedes facer a idea do contento que estou. Así que para celebralo, poño unha imaxe (só unha parte para non desvelar nada) do segundo libro dos Megatoxos. Xa irei desvelando máis cousas deste novo volume.

Proximamente na librerías!!!